ധന്വന്തരി സ്തുതികാവ്യം

                                                          

ധന്വന്തരി വാമകയ്യിലെ അമൃതകുംഭം,

ജീവദാനമായി ചൊരിയുന്ന ദിവ്യകിരണം പോലെ —
ആരോഗ്യസൗഖ്യമായി മുഴുവൻ ലോകവും
ആസ്വദിക്കട്ടെ, നീ ചൊരിയുന്ന വിശുദ്ധപ്രകാശം!

ആലോകമാകെ നൽകുന്ന വരദായകൻ,
വേദമാതാവിന്റെ ഹൃദയത്തിൽ ഉദിച്ച മാനസപുത്രൻ,
വൈദ്യശാസ്ത്രശിരോമണിയായി വിരിഞ്ഞ
പ്രഭാതസൂര്യൻ നീ തന്നെയല്ലോ — പ്രഭോ ധന്വന്തരി നാരായണ!

അഷ്ടവൈദ്യരുടെ അറിവുപോലെ അക്ഷയമായ ജ്ഞാനത്തോടും,
അഷ്ടസിദ്ധികളോടൊപ്പം കൃപാനിധിയായി നീ നില്ക്കുന്നു.
പ്രാണൻ വീഴുമ്പോള്‍ കയ്യെത്തുന്ന വന്ദ്യ ദേവനായി,
രോഗികളെ അമ്മതൻ സ്‌നേഹത്തോടെ കൈവരുന്ന കാഴ്ചയായി.

ശുദ്ധമാത്മാവായി ഹൃദയത്തിലായ് ഭവിക്കണേ നീ,
ശുഭദിനങ്ങൾ പുനരാഘോഷിക്കുവാൻ വരികയാകണേ.
അശ്രുനീരിൽ അര്‍പ്പിക്കപ്പെടുന്ന ഈ പ്രാർത്ഥനാശലഭം,
അവനിയില്‍ വാഴുന്നവനായ്‌ സ്വീകരിക്കണമേ, ധന്വന്തരി!

ദിനംതോറും നാമമൊരു നാവിൽ നിലനിർത്തട്ടെ,
ദിവ്യമായ ധ്യാനമാകെ എന്നിൽ നിറയട്ടെ.
വേദപാഠികളൊക്കെയും നിന്നേ പാടട്ടെ പൊൻവണ്ണത്തിൽ,
വേദശാസ്ത്രമായ ഔഷധത്തിന്റെ വരദായിയായ് നീ നില്ക്കണേ!

അനുഗ്രഹിച്ച് എല്ലായ്പ്പോഴും എന്നെ നന്മയിലേക്ക് നയിക്കണേ,
അവനിതിയിൽ അഗാധമായി നീ അരുള്‍ തൂകണമേ, പ്രഭോ!
നാരായണായ ശ്രീ സത്യ നാഥധന്വന്തരിയെ — നമസ്സുനമഃ, പ്രഭോ നമഃ!
നിന്റെ പാദകമലങ്ങളിൽ ഞാൻ സാഷ്ടാംഗം പ്രണമിക്കുന്നു!